Plastik kartı Banka müraciət edərək, onunla bağlanmış müqavilə əsasında əldə etmək olar.
Plastik kart aşağıdakı qeyd olunan imkanlara malikdir:
• istənilən yerdə nağd pul vəsaitinin əldə edilməsi;
• “Onlayn Kredit Ödəmələri” əməliyyatı - bankomat və İnternet vasitəsilə kredit borclarının ödənilməsi;
• satış və xidmət nöqtələrində və internet şəbəkəsində nağdsız qaydada ödənişlərin aparılması;
• kommunal xidmət üzrə ödənişlər - elektrik enerjisi, qaz, su və s.;
• elektron bankçılıq xidmətləri - mobil (Bakcell, Azercell, NarMobile) və stasionar (Azevrotel, Aztelecom) rabitə, internet (Connect, Aktiv ol, Sazz, Avirtel, Elcell, Azeronline, Alfanet, Azevrotel), TV (Connect, Azevrotel, BBTV), sığorta (Beynəlxalq Sığorta Şirkəti);
• vergilərin və gömrük xərclərinin ödənilməsi;
• “Card to card” əməliyyatı - bir kartdan digər karta pul köçürmələri;
• SMS-məlumatlandırma xidməti - kartla aparılan hər bir əməliyyat haqqında SMS vasitəsilə mobil telefona məlumatların göndərilməsi;
• “Cash by Code” xidməti - bankomat ilə kart hesablarından istənilən məbləğdə və valyutada, kartı olmayan şəxslərə nağd pulun göndərilməsi;
• valyuta mübadiləsinin həyata keçirilməsi;
Plastik kart vasitəsilə nağd pulu bankomat və ya quraşdırılmış POS-terminallar vasitəsilə əldə etmək olar.
Plastik kartın dəstəklədiyi valyutadan fərqli valyutada əməliyyatlar həyata keçirildikdə konvertasiya əməliyyatı üzrə məzənnə Mərkəzi Bankın məzənnəsi + 0.5% (konvertasiya haqqı) müəyyən edilir.
Kart hesabına pul vəsaiti nağd şəkildə, bank hesabları ilə nağdsız formada və “card to card” əməliyyatı ilə mədaxil edilə bilər.
Beynəlxalq kart təşkilatlarının loqotipi olan plastik kartları vasitəsilə dəstəklədiyi valyutadan asılı olmayaraq, ölkə daxilində və ya xaricində bu növ kartları qəbul edən istənilən terminal vasitəsilə əməliyyatlar həyata keçirmək mümkündür.
Əməliyyat həyata keçirildikdən sonra POS-terminal tərəfindən iki nüsxədə qəbz çap olunur. Kart sahibi bu qəbz nüsxələrini imzalamaqla, əməliyyatın həyata keçirilməsini rəsmiləşdirir. PIN-kod daxil edildikdə qəbz imzalanmaya bilər.
Bu məlumatı bankın filialları və şöbələri, əlaqə telefonları, bankomatlar, SMS-məlumatlandırma xidməti vasitəsilə əldə etmək olar.
Pərakəndə ticarət və xidmət müəssisələrində plastik kartları ilə POS-terminal vasitəsilə malların, iş və xidmətlərin dəyəri ödənilərkən heç bir xidmət haqqı tutulmur. Kart hesabının valyutasından fərqli valyuta ilə ödəniş apararkən valyuta mübadiləsi xərclərini nəzərə almaq lazımdır.