Bu xidmət tamamilə müştərilərin rahatlığı üçün nəzərdə tutulmuşdur. Plastik kart üzrə keçirilən bütün əməliyyatlar haqqında SMS-məlumatlandırma xidmətinə qoşularaq xəbərdar olmaq mümkündür. Bunun üçün “Bank Avrasiya”-nın plastik kart sahibi bankomat vasitəsilə aşağıda sadalanan mərhələləri həyata keçirməlidir:
- Plastik kart bankomata daxil olunur;
- Dil seçimi aparılır;
- Kartın kodu yığılır;
- “Ödəmələr” bəndi seçilir;
- “Xidmətlər” bölməsinə keçid alınır;
- “SMS-məlumatlandırma” xidməti seçilir;
- Mobil telefonun nömrəsi yığılır, “davam etmək üçün bu düyməni basın” seçilir;
- Mobil telefonun nömrəsi bir daha yığılır və “davam etmək üçün bu düyməni basın” seçilir.
SMS-məlumatlandırma xidməti bütün mobil operatorların abunəçilərinə təklif olunur. Xidmətin aylıq komissiya haqqı 1 AZN-dir.